Inscrición Xornada astronómica “A NOITE É XOVEN” – 19 de outubro

Para participar na xornada “A  Noite é Xoven” é preciso facer a seguinte INSCRICIÓN con data límite do 14 de outubro:

*Instruccións: Encher tódolos campos e non vos esquecedes de darlle a enviar.

Anuncios

Xornada astronómica “A NOITE É XOVEN”

Bo día familias:

Di o refrán aquelo de que “…..á terceira vai a vencida” así que, para non contradecilo, dende a ANPA decidimos acollernos ao dito e presentarvos de novo:

DOCU_GRUPO

“A NOITE É XOVEN”

Xornada lúdica e astronómica

Venres, 19 de outubro, ás 17.30h.

 

PROGRAMACIÓN

  • Dende as 17:30h ás 21:00h: Actividades lúdicas e xogo libre a cargo de Barafunda.
  • Dende as 19:30h en adiante: A Agrupación Astronómica Rías Baixas ofreceranos:
    • 19.30h-21:00h Charlas de introdución á Astronomía e Planetario Virtual.
    • 21.00h-21.30h Descanso para cear e montaxe de telescopios.
    • A partir das 21.30 realizaremos unha Observación astronómica que consistirá en:
      • Visionado e explicación do ceo a simple vista (constelacións, satélites artificiais, a estrela polar…) .
      • Observación telescópica de todo o visible no ceo esa noite.

COUSAS IMPORTANTES A TER EN CONTA

  • Está convidada toda a comunidade escolar a pasar este día con nós: Nais, Pais, Mestres, e nenos e nenas de todas as idades.
  • Contarase con telescopios para a observación, pero todos aqueles que teñades telescopio ou prismáticos na casa podedes traelos para facer a observación e aprender a utilizalos.
  • Para participar na xornada é preciso facer unha INSCRICIÓN a través do noso blog con data límite do 14 de outubro. Necesaria para unha mellor organización.

RECOMENDACIÓNS

  • Vir con roupa de abrigo, mantas ou sacos.
  • A cea será responsabilidade de cadaquén pero o alumnado de 4º da Eso porá á venda bocadillos e bebidas
  • Todos os nenos deberán estar acompañados por un adulto.

 

¡¡Esperámosvos a todos!!

Equipo Directivo

Anpa Martín Códax

Aprazamento – Xornada “A noite é xoven”

Bo día familias:

Debido a que as previsións climatolóxicas para este venres, 8 de xuño, seguen a ser de choiva e néboas, vémonos na obriga de APRAZAR de novo a Xornada “A Noite é Xoven”.

Deixamos a porta aberta para organizala no mes de setembro coma inicio de curso para a ANPA.

Desculpade as molestias que vos puidese ocasionar.

Un saúdo,

Equipo Directivo

Anpa Martín Códax

Cambio de data da Xornada “A noite é xoven”

Bo día familias:

Debido as condicións climatolóxicas adversas vémonos obrigados a cambiar de data a Xornada “A noite é xoven” que estaba programada para este venres 25 de maio ás 18.00h. A xornada  realizarase finalmente:

 

“A NOITE É XOVEN”

Xornada lúdica e astronómica

VENRES, 8 DE XUÑO, ÁS 18.30h.

Colexio Martín Códax

Continuar leyendo “Cambio de data da Xornada “A noite é xoven””