“A NOITE É XOVEN” – Xornada lúdica e astronómica

Bo día familias:

Chega o fin de curso, e para festexalo a ANPA do Martín Códax, en colaboración co Colexio, organiza o próximo VENRES 25 DE MAIO ás 18.00h no Colexio: 

 

“A NOITE É XOVEN”

Xornada lúdica e astronómica

 

 

Durante a xornada poderemos desfrutar da seguinte PROGRAMACIÓN:

• Dende as 18:00h ás 22:30h: Actividades lúdicas e xogo libre.
• Dende as 20:30h en adiante: A Agrupación Astronómica Rías Baixas ofreceranos:
  • 20.30h-21.30h Charla de introdución á Astronomía e Planetario Virtual.
  • 21.30h-22.45h Descanso para cear e montaxe de telescopios mentres cae a noite.
  • A partir das 22.45h realizaremos unha Observación astronómica que consistirá en:
    • Visionado e explicación do ceo a simple vista (constelacións, satélites artificiais, a estrela polar…) .
    • Observación telescópica de todo o visible no ceo esa noite (Xúpiter, Lúa, Venus, algunha Estrela Dobre…).

COUSAS IMPORTANTES A TER EN CONTA:

• Está convidada toda a comunidade escolar a pasar este día con nós: Nais, Pais, Mestres, e nenos e nenas de todas as idades.
• Contarase con telescopios para a observación, pero todos aqueles que teñades telescopio ou prismáticos na casa podedes traelos para facer a observación e aprender a utilizalos.
• Para participar na xornada é preciso facer unha INSCRICIÓN a través do noso blog antes do 15 de maio. Necesaria para unha mellor organización.

RECOMENDACIÓNS

• Vir con roupa de abrigo, mantas ou sacos.
• A cea será responsabilidade de cadaquén pero o alumnado de 4o da Eso porá á venda bocadillos e bebidas.
• Todos os nenos deberán estar acompañados por un adulto.

¡¡Esperámosvos a todos!!

Equipo Directivo

Anpa Martín Códax